Adnoddau

 Read in English

Rydyn ni wedi bod yn llunio adnoddau amrywiol i gynorthwyo mudiadau sy’n darparu cludiant cymunedol, neu sydd eisiau sefydlu gwasanaethau cludiant cymunedol. Mae cynnwys yr adnoddau hyn wedi cael ei lywio gan sgyrsiau yn ein Rhwydweithiau Arloesi Cludiant yn ogystal â thrwy wrando ar yr hyn y mae’r sector yng Nghymru wedi’i ddweud wrthym ynglŷn â’r gefnogaeth sydd ei hangen.

Cael Gafael ar Gyllid

Mae cyllid yn bwysicach nag erioed i ddarparwyr cludiant cymunedol, yn enwedig wrth iddynt barhau â’u hadferiad yn dilyn effeithiau’r cyfnod clo ac ail-ddechrau cynnig eu gwasanaethau. Rydyn ni mewn cyfnod heriol, felly mae wedi dod yn bwysicach nag arfer eich bod yn ailedrych ar eich ffrydiau cyllido ac yn ystyried chwilio am gyfleoedd newydd i ddod ag arian i mewn i’ch mudiad fel bod eich incwm yn dod o gyfeiriadau gwahanol.

Cynnwys

• Pwy sy’n cyllido cludiant cymunedol?
• Gair i Gall – Cyllido
• Cyflwyniadau
• Canllawiau Sut i Wneud
• Ceisiadau cyllid enghreifftiol

Pwy sy’n cyllido cludiant cymunedol?

Trwy gyfnod Covid-19, gwyddom fod o leiaf £750,000 o gyllid grantiau wedi ei roi i ddarparwyr cludiant cymunedol i helpu i liniaru effaith colli incwm, i addasu cerbydau ac i barhau i ddarparu gwasanaethau hanfodol. Mae dros hanner y cyllid hwn wedi dod o Sefydliadau Cymunedol (dewch o hyd i’ch Sefydliad Cymunedol, yma). Cafwyd cymorth allweddol hefyd gan Gronfa Gymunedol y Loteri Genedlaethol a nifer o ymddiriedolaethau a sefydliadau. Gallwch weld rhestr o gronfeydd sydd ar agor ar hyn o bryd ac awgrymiadau ynglŷn â llefydd eraill y gallwch wneud cais am gyllid iddynt, yma.

Cynnwys

Gair i Gall – Cyllido

Mae ein hadnoddau Gair i Gall yn becynnau cryno sy’n rhoi sylw i awgrymiadau defnyddiol i’w hystyried ar amrywiol bynciau. Gobeithio y byddant hefyd yn eich helpu i gynhyrchu syniadau cyn i chi ddechrau mynd i’r afael â mater neu faes gwaith penodol.

• Gair i Gall 1: Pwy sy’n gallu codi arian yn eich mudiad chi?
• Gair i Gall 2: Cyflwyniad Cyflym
• Gair i Gall 3: Datblygu cynnig prosiect
• Gair i Gall 4: Dadansoddiad o’r bylchau neu asesiad o anghenion
• Gair i Gall 5: Ymgynghori ac ymgysylltu â’r gymuned
• Gair i Gall 6: Astudiaethau achos gafaelgar
• Gair i Gall 7: Gosod canlyniadau eglur
• Gair i Gall 8: Monitro a gwerthuso
• Gair i Gall 9: Datblygu perthynas â chyllidwyr
• Gair i Gall 10: Cynyddu cyllid sydd heb gyfyngiadau
• Gair i Gall 11: Cyfrifo cost-effeithiolrwydd codi arian
• Gair i Gall 12: Gofynion cyfreithiol (Safonau Codi Arian)
• Gair i Gall 13: Chwilio am Gyllid
• Gair i Gall 14: Gwella eich dealltwriaeth o gyllid

Cynnwys

Cyflwyniadau

Datblygwyd y cyflwyniadau hyn fel cymorth gweledol a chanllaw i gefnogi rhai o’n hadnoddau eraill. Maent yn tynnu sylw at awgrymiadau defnyddiol a phwyntiau i’w hystyried mewn ffordd mwy rhyngweithiol.  Mae modd eu defnyddio fel canllaw cyn penderfynu pa lwybr i’w ddilyn, neu gallwch eu defnyddio gyda’ch Ymddiriedolwyr neu’ch tîm staff i fwrw goleuni ar lwybr all fod yn anodd ei droedio ar adegau.  Y bwriad yw iddynt ddarparu gwybodaeth i’w hystyried wrth fynd i’r afael â mater penodol, gan helpu i gynhyrchu syniadau a chodi hyder.

• Cyflwyniad 1: Pethau i’w hystyried cyn cysylltu â chyllidwr
• Cyflwyniad 2: Datblygu achos dros dderbyn cymorth
• Cyflwyniad 3: Datblygu strategaeth codi arian

Cynnwys

Canllawiau Sut i Wneud

Mae ein canllawiau ‘sut i wneud’ wedi’u cynllunio er mwyn eich tywys fesul cam trwy’r broses i’w dilyn wrth ymgymryd â phrosiect neu dasg newydd. Maent yn rhoi trosolwg defnyddiol o ryw agwedd benodol er mwyn rhoi cymorth wrth i chi ddatblygu eich syniad/cynllun, ac maent yn eich cyfeirio at adnoddau defnyddiol eraill.

• Sut i: Datblygu Cais am Gyllid

Cynnwys 

Ceisiadau cyllid enghreifftiol

Rydym wedi creu ambell i gais enghreifftiol am gyllid er mwyn iddynt fod o gymorth i chi pan fyddwch chi’n datblygu cais eich hunan. Gall meddwl am geisio am gyllid godi braw yn aml iawn, felly gallai fod yn hwb i’ch hyder wrth gychwyn ar gynnig i gael gweld enghraifft o gais wedi’i gwblhau, sydd wedi’i deilwra ar gyfer y sector cludiant cymunedol, a gallu addasu’r testun enghreifftiol i weddu i’ch mudiad chi.

• Templed 1: Cais grant enghreifftiol

Mae gennym dempledi hefyd ar gyfer y cyllidwyr canlynol, a gallwch gael copi trwy e-bostio advice@ctauk.org:

• Templed 2: Cais am grant Arian i Bawb Cronfa Gymunedol y Loteri Genedlaethol
• Templed 3: Cais am grant Pawb a’i Le Cronfa Gymunedol y Loteri Genedlaethol
• Templed 4: Cais am grant Sefydliad Garfield Weston
• Templed 5: Cais am grant Sefydliad Morrisons

Cwnnwys

Rhagor o wybodaeth am Gysylltu Cymunedau yng Nghymru

Mae Cysylltu Cymunedau yng Nghymru wedi derbyn cyllid trwy Raglen Cymunedau Gwledig – Datblygu Gwledig 2014-2020 Llywodraeth Cymru, a ariennir gan Gronfa Amaethyddol Ewrop ar gyfer Datblygu Gwledig a Llywodraeth Cymru.